Valencia City, Bukidnon – Patay ang usa ka suspek sa gi-ingong pagpangawat ug baka human gipusil tungod kay gitigbas ang usa ka police officer nga niresponde.
Una niini, niresponde kagabie ang kapulisan sa pagpanguna ni PCI Edgar L. Ergino sa Valencia City Police Station (VCPS) human nga nakadawat ug tawag kalabot sa kaso sa pagpangawat ug baka sa mao nga siyudad.
Pag-abot sa dapit gitigbas sa wala pa mailang suspetsado ang pulis nga si PCI Ergino rason nga gipusil usab sa police officer ang suspek nga maoy hinungdan sa hinanaling kamatayon.
Naka-angkon ang pulis ug samad tinigbasan sa iyang ibabaw nga bahin sa mata ug dali nga gidala sa hospital aron katambalan.
Facebook Comments
