Sa pakighinabi sa DXDC RMN Davao kang Police Captain Rey Sotomayor, Office-In-Charge (OIC) sa Sulop MPS, iyang gisulti nga kini usab ang rason sa bag-ohay lamang nadakpan nga si alyas Jojo, 46 anyos nga taga Tuban, Sta. Cruz, Davao del Sur nga nakuhaan sa gituohang shabu.
Matud ni Sotomayor, sagad usab sa mga dakpan gikan gawas sa Sulop ug ginahimo lamang sa ilang lugar ang ilang transaksyon.
“Makaingon ko nga bisyo pud niya kay positive man pud siya. Medyo for living pud. Mao may iyang (ginabuhat) kay nagapamaligya gyud sya. Wala man syay laing trabaho aside sa pagka-karpentero,” sulti sa pulis.
Padayong nagpahimangno ang police official sa publiko nga likayan ang paglambigit sa iligal nga droga diin sila gayud manubag sa balaod.
RadyoMaN Kirby Manzon
