Sa report gikan Sta Ana Police Station ang mga na-angol sa vehicular accident mao sila PCpl Samuel T. Agua, Christopher Amantiad usa ka Police Auxiliary ug ang driver nga si Maylas, Penito Jr. residente sa Agdao Beach ning dakbayan.
Samtang priso sa selda sa Sta Ana Police Station ang drayber sa prime mover nga si Felcris Ebal Pili hingkod ang edad taga Marilog ning dakbayan.
Sa interview sa DXDC RMN Davao kang Police Captain Rizalito Clapiz, Deputy Chief sa Sta Ana Police Station miingon kini nga subay sa ilang gihimong imbestigasyon paspas ang dagan sa prime mover hinungdan nabangaan ang multicab.
“Duha sila ang sad-an nagdali ang multicab unya ang truck pod paspas kaayo ang padagan. Even though ka kita sya disaster, ang brake niya 17 meters gud ang speed mark di na makaya. Kay kung wala ka brake, sayo-sayo lata tong multicab,” sulti ni Clapiz.
Mag-atubang og tukmang kaso ang drayber sa prime mover tungod wala kini ni-abaga sa galastuhon sa hospital sa mga nabiktima nga naangol sa disgrasya.
Kahinumdoman paingon sa Boulevard ang prime mover samtang ang multicab paingon sa Monteverde Avenue gikan sa Sta.Ana Wharf apan pag-abot sa intersection sa Sta.Ana Street corner Leon Garcia ning siyudad kalit nibangga ang prime mover sa tuo sa kilid nga bahin sa multicab resulta sa pagkadamyos sa atubangan sa duha ka sakyanan.
RadyoMaN Don Pulayao
