Bilang paghahanda sa inaasahang pagdagsa ng tao sa bayan ng Calasiao ngayong holiday season, pinaigting ng pulisya ang kanilang visibility sa mga pampublikong lugar.
Ipinatupad ng mga awtoridad ang 24/7 na checkpoint sa iba’t ibang bahagi ng bayan upang matiyak na walang mag-aabuso sa mga nagdaraang tao.
Bukod dito, patuloy ang kanilang pagmamanman sa mga matataong lugar tulad ng food bazaar, simbahan, at iba pang mga pangunahing destinasyon.
Nagbigay din ng mga paalala ang kapulisan sa mga bisita na iwasan ang pagsusuot ng mga mamahaling alahas at hindi magdala ng maraming cash upang makaiwas sa posibleng panganib.
Inaasahan ng mga awtoridad na magiging tahimik at maayos ang sitwasyon sa bayan hanggang sa pagtatapos ng selebrasyon ng Bagong Taon. |𝙞𝙛𝙢𝙣𝙚𝙬𝙨
