Ginganyat sang Police Regional Office 6 ang mga residente sang Quinto Distrito ilabi na sang banwa sang Sara nga maghatag sang impormasyon kon may nabal-an sila nga mga politiko nga nagahupot sang goons.
Ini matapos mismo si Fifth District Congressman Boboy Tupas ang naghambal nga nagahalin sa banwa sang Sara ang mga goons nga ginapadala sa iban nga lugar agud mag-terrorize sa m,ga pumuluyo ilabi na sa tion sang eleksyon.
Ginhatagan Pagtamod ni Supt. Gilbert Gorero, spokesman sang PRO-6 nga mas maayo nga naghalin mismo sa kongresista ang nasambit nga pahayag kag iya man gina-engganyo ang mga pumuluyo nga magbulig agud matapna kag mabungkag ang mga private armed groups sa banwa sang Sara.
Suno kay Gorero nga nagatutok ang kanyon sang kapulisan sa Quinto Distrito kon sa diin lakip sa ila ginatutukan amo ang operasyon sang illegal nga druga, sugal, kriminalidad, loose fire arms kag subong man insurgency ukon extremism. (sspunay)
