CAUAYAN CITY – TINUTUTUKAN NGAYON NG CAUAYAN CITY LOCAL GOVERNMENT UNIT ANG PAGPAPALAKAS NG PAGRESPONDE NG KAPULISAN SA ANUMANG KLASE NG INSIDENTE SA LUNGSOD NG CAUAYAN.
KAMAKAILAN LAMANG, MULING NAGBIGAY NG KARAGDAGANG 12 UNITS NG CELLPHONE SI CAUAYAN CITY MAYOR CAESAR “JAYCEE DY” JR., SA CAUAYAN CITY POLICE STATION NA MAGAGAMIT NG BAMBOO COPS UPANG MAS MAPALAKAS PA ANG KOMUNIKASYON AT KOORDINASYON NG BAWAT ISA.
PORMAL NAMANG TINANGGAP NG PROVINCIAL DIRECTOR NG ISABELA POLICE PROVINCIAL OFFICE NA SI POLICE COLONEL LEE ALLEN BAUDING AT NG HEPE NG CAUAYAN CITY PS NA SI POLICE LIEUTENANT COLONEL ERNESTO NEBALASCA JR. ANG NABANGGIT NA DONASYON.
ANG HAKBANG NA ITO AY BILANG PAGPAPAKITA NG SUPORTA SA 5-MINUTE RESPONSE TIME PROGRAM NG PHILIPPINE NATIONAL POLICE NA NAGLALAYONG MAKAPAGHATID NG MABILIS AT EPEKTIBONG PAGRESPONDE SA ANUMANG URI NG KRIMEN AT INSIDENTE NA POSIBLENG MANGYARI.
MATATANDAANG MALIBAN SA BAGONG CELLPHONES, UNA NG NAKATANGGAP NG IBA’T-IBANG KAGAMITAN, SASAKYAN, AT ARMAS ANG KAPULISAN NG CAUAYAN MULA SA LGU.
INAASAHAN NAMAN NA ANG SUPORTANG IPINAKIKITA NG PAMAHALAAN SA KAPULISAN AY MAPAPALITAN NG MAS EPEKTIBONG PAGBIBIGAY SERBISYO NG KAPULISAN SA RESIDENTE AT NASASAKUPAN NG LUNGSOD NG CAUAYAN.
