Police sa PRO 13 naniun; PSI Paden dili mu-ila ug kabaro suspect kasuhan

Imbis isulod na unta sa detention cell and usa ka Police Senior Inspector nga nakadestino sa Finance Service s PRO 13, giataki kini sa highblood ug gidala sa balay tambalanan.
Apan sa pamahayag ni Police Senior Inspector Paden hepe sa station 1, dili siya mu-ila ug kabaro iya pa gihapon kini kasuhan .
Angay masayran, hubog ug nani-on ug pusil sa usa ka sibilyan ang gitumbok nga opisyal sa kapulisan nga nadestino sa Finance Services sa Police Regional Office (PRO 13) Camp Rafel Rodriguez, ning syudad sa Butuan.
Midangop sa Police Station 1 aron ipatala ang insidenti, ang biktimang si Oliver Salazar, 40 anyus, minyu ug residenti sa Ipil road, Brgy. New Society ning dakbayan, aron ireklamo si Police Senior Inspector Rizaldy Aguillon ang gitumbok nga pulis nga nani-on ug armas.
Gisaysay ni Salazar nga samtang milabay siya sa Cortez Store sa Ipil road, aron mopalit ug sigarilyo, kalit lang siya’ng gitudlo-tudlo sa laing hubog nga kauban ni PSI Aguillon.
Nipadayun siya sa pagbaktas ug wala gipanumbaling ang pagtudlo-tudlo kaniya.
Apan sa iyang pagbalik, kalit siyang gitawag sa laing suspek nga nagsakay sa iyang Honda civic nga kotse ug didto giti-onan ug armas nga kalibre .45 nga pistol ug gikasa pa kini sa iyang atubangan.
Tungod sa kalisang mitalikod ang biktima ug ilang gisundan ang gisakyan sa mga suspek nga niti-on ug armas lahus ngadto sa brgy. Ampayon ug didto na naharang sa checkpoint sa kapulisan.
Nasuta nga si Aguillon diay ang sakay niini ug maoy positibong giila sa biktimang Salazar nga maoy niti-on niya’g armas. ( with reports by Danny Luyahan and Archer Capadeso)
Desidido si Salazar nga mopasaka ug kaso batok kang PI Aguillon tungod kay sila naman hinoon ang gibali ug reklamo human gialegahan nga maoy niataki sa pulis.
Daling gidala usab sa balay tambalanan si Aguillon human matud pa giataki sa iyang highblood.

Tags: PSI Paden, BCPO, station 1 BCPO, dxbc693, PNP, PRO 13, PNP finance service

​
Virus-free. www.avast.com


Facebook Comments