Davao City – Mokapin 600 ka mga personahe sa kapulisan sa tibuok Rehiyon 11 ang nalambigit sa iligal nga buhat.
Subay sa gipagulang report sa Police Regional Office 11 (PRO XI), 83 ka mga personahe ang na dismiss, 19 ang na-demote, 5 and restricted, 20 ang reprimanded, 211 ang na-suspinde, 188 ang na-abswelto, usa ang na-forfeit ang sweldo, 104 ang na-dismiss ang kaso ug 18 ang natangtang sa pangatungdanan.
Sumala ni PRO XI spokesperson Police Chief Insp. Milgrace Driz, sugod niadtong Abril 1, 2016 hangtod sa bulan sa Hulyo 2018 ang ilang natala diin napasakaan na kini sila og administrative cases.
Dugang ni Driz, maayong disiplinahon una ang mga pulis kinsa nakalapas sa ilang mandato.
Kahinumdoman nga kagahapon gi-atubang ug gi-baharan ni Pres. Rodrigo Duterte sulod sa Malacañang ang kapin 100 ka mga rogue cops kinsa pulos nakalapas sa balaod balaud ug nga kun dili sila moundang sa ilang hiwing binuhatan, dako ang purohan nga mosangko kini sa ilang kamatayon.
RadyoMaN Jason Amisola
