Davao City – Makadismaya ug nakadaut sa dungog sa kapulisan ang pagkalambigit sa mga dautang buhat sa pipila ka mga sakop sa Philippine National Police (PNP) bisan pa man ug taas na ang ilang sweldo.
Sumala ni Police Senior Supt. Allan Manibog, Davao Del Norte Police Provincial Director, mismong sa Davao Del Norte dunay duha ka police nga nalambigit sa gidiling droga human sa gihimong drug test hinoon wala man sila mihunong sa pagpahigayon og drug test ug pagmonitor kabahin niini.
Matud ni Manibog, dunay mga pulis nga materialistic ug mga addict na kansang maglisud na sa pagbiya sa maong bisyo.
Samtang gipasabot usab ni Manibog nga wala magkulang ang mga opisyales sa PNP sa pagpasidaan lakip na sa moral ug espiritohanong aspeto.
Tungod niini nanawagan siya sa ilang mga kauban sa buhat nga moundang ug magtarong sa ilang pagserbisyo.
RadyoMaN Bernard Pantallon
