Atol sa AFP-PNP press conference gahapon, August 14, 2024, gibutyag ni Atty. Jovito P. Arquita, Chief of Intelligence and Investigation Division sa RIAS XI nga usa kini sa rason sa pagka-relieve sa 19 ka mga station commander ug kung mapamatud-an sa imbestigasyon nga adunay malisya ang mali nga police report, masilutan gyud ang responsableng opisyal.
Gihinganlan usab sa hepe ang pipila ka police station nga adunay misreporting ug alleged blotter tampering sama sa Calinan, Baliok ug Toril.
“Because of that misreporting or alleged tampering sa police blotter which is one of the reasons nga na-relieve ang pipila ka mga hepe. Upon validation sa RIAS XI, we also found out na meron talaga. May dalawang blotter, isang blotter di pareho ang laman dun sa isa. Itong misreportings na nangayari, naka-affect sa crime state rate natin sa Davao,” segun ni Arquita.
Hinuon, nakita sa RIAS XI nga usa sa hinungdan niini ang kakulang sa manpower sa matag stasyon butang nga ilang giimbestigahan gyud og sakto. Samtang, gibutyag ni Police Captain Hazel Tuazon, ang Spokesperson sa Davao City Police Office (DCPO) nga storyahon, i-monitor ug i-seminar usab nila ang mga desk officer.
Kahinumdoman nga dunay gipakitang blue book si PRO 11 Regional Director PBGEN. Nicolas Torre III nga giingong ‘gidoktor’ ang mga blotter nga nakahatag og impresyon nga ubos ang krimen sa syudad. Butang nga gibatikos ni Davao City Mayor Sebastian ‘Baste’ Duterte sanglit wala matod pa kini igong basehan.
RadyoMaN Ivy Parido
