Davao City – Mas gipa-intensify karon ang pagbantay sa kapolisan sa nagkadaiyang police station dinhi sa Davao City partikular na ang San Pedro Pnp ug Sta Ana Pnp diin hugot nga gibantayan niini ang seguridad sa may down town area sa syudad.
Sa gihimong pakighinabi sa News team sa DXDC RMN Davao ngadto kang Police Chief Inspector Ramil Macarampat, Station Commander sa San Pedro Pnp nga ilang gitutukan ang pagpatuman sa ‘Operation Kapkap’ ug pag-inspeksyon sa mga bagahi ngadto sa terminal, sea port, malls, parks, street food stalls, eskwelahan ug ubang pang lugar nga ginadagsa sa mga tao.
Gidugang ni Macarampat nga mas gipakusgan ang intel monitoring ngadto sa Ilang AOR ug gipaalerto usab ang mga Barangay opisyal sa nagkadaiyang barangay partikular sa sentro ning siyudad.
Samtang ang kapolisan Sta Ana Pnp sa Pagpanguna ni Police Chief Inspector Michael Uyanguren miingon nga gimanduan usab niini iyang mga ginsakpan nga doble alerto ang pagbantay sa mga pantalan sa Sta Ana Wharf gani milusad usab sila og ‘Operation Kapkap’ sa mga tao nga musoroy sa night market matag gabie.
Gidugang ni Uyanguren nga iyang gipaabot sa katawhan nga kanunay mutabang sa kapolisan kun adunay mga kadudahang lihok sa tao daling i-report sa otoridad.
RadyoMaN Don Pulayao
