Davao City – Nagpabiling malinawon ang Davao apan wala gihapon giubos sa mga kapulisan ang taas nga alerto.
Gibutyag ni PLTCol. Eudisan Gultiano, Police Regional Office XI nga pinaagi sa Revitalized Police Sa Barangay (RPSB) gipakusgan sa mga istasyon sa kapulisan ang police visibility.
Sumala ni Gultiano, nakakatutok sila sa pag-secure sa mga barangays nga daghang mga tao aron mapugngan nga mahitabo ang mga krimen tungod daghang oportunidad ang mga dautang mga elemento sama sa pagpanglabni, kawat ug uban pang street crimes.
Matud ni Gultiano, gihatagan og tahas ang mga Station Commanders kung asa ang focus sa ilahang deployment.
Gimanduan usab ang mga kapulisan ang information dissemination batok sa rape diin sagad ang mga kaso nahitabo sulod na mismo sa mga panimalay.
RadyoMaN Aimee Guinita
Facebook Comments
