Police visibility pakusgan sa Ecoland ug San Pedro PNP Vs robbery incident

Davao City – Mas gipakusgan ang police visibility ug pagpatrolya sa kapulisan sa mga establisemento sa area sa Ecoland Police Station ug San Pedro Police Station, aron dili na masubli ang natigayong sunod sunod nga robbery incident sa Davao City, human nagpagawas og mando si Police Col Alberto Lupaz City Director sa Davao City Police Office (DCPO) sa tanan Station Commander sa kapulisan sa syudad sa Davao.

Sa interview sa DXDC RMN Davao kang Police Major Noel Villahermosa, Station Commander sa Ecoland Police Station gibutyag niini, gipakusgan usab nila ang crime prevention activity sa ilang area of responsibility (AOR), police visibility ug pagbantay sa mga establisemento.

Segun ni Villahermosa, pakusgan usab ang ilang monitoring pinaagi sa ilang mga intelligent personnel aron mailhan ug ma-locate ang mga kawatan ug tulisan, magtinabangay usab ang matag police station sa pagtunol og mga inpormasyon.

Nahinabi usab si Police Major Marvin Hugos, Station Commander San Pedro Police Station gisulti niya, mag-deploy usab og mga pulis nga magpagpatrolya sa mga pawnshop, banko ug magbutang og mga police auxiliary nga mobantay.

“Nakig coordinate ta sa DPWH mangayo ta og blue print sa drainage system unya kun naa naman gani to makig coordinate ta sa central 911 para masubay ang drainage system posebli nga molapus sa pawnshop og mga banko”, sulti ni Hugos.

RadyoMaN Don Pulayao