Sa interbyu sa DXDC RMN Davao kang Police Major Marvin Hugos, Station Commander sa San Pedro Police Station, gibutyag niini nga lakip sa ilang troop deployment ang mga crime-prone areas apil na usab bantayan ang mga area sa ukay-ukayan sa Bankerohan og San Pedro Street diin sagad adunay mabiktima sa pagpanguot.
Segun ni Hugos,nitabang usab sa pagbantay ang mga Police Auxiliary, Barangay Tanod og police trainees ingon man mga volunteers kinsa i-destino sa mga lugar nga diha ipahigayon ang mga aktibidades sa Kadayawan.
Nahinabi usab sa DXDC News Team si Police Captain Rizalito Clapiz, Deputy Chief sa Sta Ana Police Station kinsa nagbutyag nga kapin sa 80 ka mga personahe sa Sta. Ana PNP ang i-deploy aron mobantay sa mga aktibidades sa Magsaysay Park, Tribal Village og sa Chinatown site diin posibleng dagsaon kini sa mga dumoduong ug turista.
RadyoMaN Don Pulayao
