Policewoman dakpan sa buybust

103

Davao City – Arestado sa buybust operation ang usa ka policewoman alas-10 sa buntag kagahapong adlawa, Enero 24, 2020 sa hiniusang pwersa sa Sasa PNP, PDEA-XI, Mindanao Area Police Intelligence Office (MAPIO)-XI, Regional Intelligence Division ug Criminal Investigation and Detection Group (CIDG)-XI.

Sa interbyu sa DXDC RMN Davao kang Police Major Reuben Libera, station commander sa Sasa PNP, giila niini ang suspek nga si Police Senior Master Sergeant Shiela Laturgo Bande, 43-anyos, minyo ug active PNP member nga na-assigned sa Philippine Bomb Information Center ug residente sa Block 5, Lot 1, Luis Street, Vectors Valley, Tigatto, Davao City.


Atol sa operasyon, narekober sa suspek ang tulo ka sachet sa shabu, P1,000 bust money ug muabot sa kapin kun kulang P22,000 kantidad sa drogang nakumpiska.

Matud ni Libera nga gibutyag sa mga miaging naarestong drug suspek nga usa sa mga suppliers og droga si Bande.

“Actually, iyang pangalan (na-mention) based sa revelation sa atoang mga nadakpan wherein isa siya sa mga associates nga naga supply,” saysay ni Libera.

Gawas sa kasong paglapas sa R.A. 9165 kun Comprehensive Dangerous Drugs Act of 2002, mag atubang usab ang suspek og kasong administratibo.

RadyoMaN Kirby Manzon, RadyoMaN Don Pulayao

Facebook Comments