Doble alerto aura el mga myembros del policia desfues continue recivi amenaso el fueblo desdel mal-elementos.
Amediante que ta aserca ya el principio del Zamboanga Hermosa Festival, el policia ta mejora tambien el deployment del diila mga tropa na cuantos locaccion con importancia.
Asegun con el portavos del Zamgoanga City Police Office Inspector Edwin Duco, hinde sila ta confirma cay chene presencia del mga terorista aqui na ciudad, sin embargo, chene asegun sila mga mejoras de seguridad ta hace aura en anticipaccion con el mga posible atrosidad que hay ocuri.
Si Duco ya abla cay mismo el hefe del policia local Senior Supt. Vincent Ignacio ya ordena con su mga tropa na cada estaccion del policia para dobla diila mga initiativa de seguridad, lo mismo el conducta del mga spot checkpoints na diila mga cada jurisdiccion.
Presentamente, pormedio del programa “Police Hour” na RMN Zamboanga, el policia ta intensifica tambien el information drive por el mga orden se seguridad lo mismo mga cambio del ruta del mga vehiculo na sentro del fueblo donde cuantos mga camino hay serra prinsipiando Octubre Uno. – Bhong Simbajon/RMN News
