Ya anuncia el hefe del policia local Senior Supt. Neri Vincent Ignacio cay resumi ya otraves el policia local con el cujida del mga motorista que hinde ta usa helmet si ta maneja motorsiclo aqui na sentro del fueblo.
Este el palabra de Ignacio desfues ya man-recall el consejo local con el diila mas temprano resolusyon No. 1203 donde ta pidi con el otoridad el “relaxation” na cujida y usada del mga helmet de motorsiclo aqui na fueblo porcausa con el amenaso na seguridad del fueblo.
Asegun con Ignacio, hay manda anay ele dessimina na publico y dale warning con maga motorista si porhemplo fuede canila alcansa hinde ta usa helmet si ta maneha diila qualquer motor antes de cujir insiguidas.
Ta suweri si Ignacio con mga motorist para usa ya lang con el “J Type” helmet contra na “full faced”para hinde mas llama diila atenccion el otoridad. *– Bhong Simbajon/RMN News*
