Hay impone cuantos cambio el policia local na manera de seguridad sila ta implementa na fortaleza del pilar y otro mga locaccion donde ta conduci el actividades del Zamboanga Hermosa Festival.
Asegun conel portavoz del Zamboanga City Police Office Inspector Edwin Duco, sila ta hace basehan con el observacion del publico que amo ta experiencia con el actual sitwasyon na lugar.
Este ya bene desfues ya causa el purpyahan del cuantos persona y el myembros del policia que ta visya con el mga entrada del cada locaccion de actividad como na Paseo del Mar, RT Lim Boulevard y Fort Pilar Shrine.
Si Duco ya abla cay necesita sila impone cuantos adjustments na modo de seguridad para entende coneste el publico y desaleja na purpyahan.
Ya queda entro del asunto el usada del bullcap del cuantos myembros del radio groups y del police augmentations que ta karga backpack na lugar ta privini manda karga el tal cosa. – *Bhong Simbajon/RMN News*
