Preparao ya el Policia Local por el implementaccion del modo de seguridad para el “Oplan Undas 2017”.
Na entrevista del RMN Zamboanga enantes aga con el portavos del policia local Senior Inspector Shellamie Chang, ele ya abla cay na lugar ya el seguridad sila hay implementa que donde todol mga presinto ya deriji ya el hefe del policia local Senior Supt. Neri Vincent Ignacio para strictamente implementa el cosa modo de seguridad que ya descuti implementa na diila mga siguente conferencia que ya conduci junto con el liderato del govierno local.
Chene mga orden ejecutivo ya man-issue el alcalde del ciudad por el ocaccion del Todos Los Santos y Las Almas na ciudad que deve sigui el mga vivientes.
Este dia, fuede pa asegun hace bastante limpiesa, man park y lleva agudos cosas para el visitada del mga vivientes con el mga muerto, sin embargo, llega el alas-dose manyana pecha-treintay-uno hasta noviembre dos por la tarde, hay implementa ya con el orden ejecutivo que cumbiene sigui el mga vivientes que ta visita na mga sementeryo.
Apelo de Chang con el publico para uwi na RMN y sigui con el mga reglamento que ta anuncia cada dia antes sila endereza na mga sementeryo para servi como diila guiya.- *Bhong Simbajon/RMN News*
