Ta anda aura sita el mga pulis con el mga jovenes con quien sila ta alcansa que ta man tambay na mga camino durante el noche na mga barangay bajo na syete kilometro radius del ciudad.
Este el orden del hefe del policia local Senior Supt. Neri Ignacio con el mga deferentes hefe como parte del diila programa el “Oplan Vida y Bala” donde regular cada noche ta anda runcia el mga otoridad na cada barangay bajo na diila respective jurisdiccion y ta anda checkya con el mga tambay na camino.
Na presente stratehiya, en tiempo si fuede sila columbra mga jovenes tambay des hora ya del noche na mga canto del camino, internet shops o na mga plaser, ta anda sila sita coneste y manda ya bolbe y si hinde ta cre ta lleva sila coneste na estacion del policia y llama el diila mga mayores para fuede conestos dale leccion.
Aviso del policia con el mga mayores para supervisa el diila mga anak y nomas conestos manda man tambay na mga camino para hinde estos queda victima del tal crimen o mal-soceso. – Bhong Simbajon/RMN News
