Davao City – Giduso sa konseho nga himuong mandatory ang pagpabakuna sa mga batang nag-edad 5 anyos paubos kontra polio nga magsugod karong Oktobre 14.
Segun ni Committee on Health chair Councilor Joselle Villafuerte nga kini aron makab-ot ang target sa Department of Health nga 100% sa mga bata ang makadawat sa Oral Polio Vaccine para sa Type 2 poliovirus, virus nga nakita sa Davao River.
“This is a public health concern so we really have to convince nga 100%. Pero sa tan-aw nako karon ginadagsa naman daw ang health centers, so tan-aw nako dili nami maglisod. Wala na tong fear sa vaccination and if there are people who will campaign for anti-vaccination then we will tell them that if there’s an outbreak they will be responsible,” matud ni Villafuerte.
Gikatakdang magpahigayon og committee hearing si Villafuerte uban ang mga opisyales sa barangay.
Giawhag sa konsela ang publiko nga mukooperar ug ipabakuna gayod ang ilahang mga anak.
“Atong giawhag ang tanang parents sa Davao City na maminaw ta karon sa DOH ug sa City Health Office kay nibalik na ang polio. Dili nato gusto mudako ang atoang mga anak nga mahimong paralyzed, ang uban mamatay kay ang maparalisa ang mga muscles for breathing so do we do not want to lose a love one,” matud niini.
Ang unang round sa vaccination ikasa sa Davao City, Davao del Sur, Lanao del Sur ug Marawi karong Oktobre 14-27.
Samtang entero bata sa Mindanao ang bakunahan atol sa round 2 karong Nobyembre 25-Disyembre 7 ug sa Round 3 vaccination karong Enero 6-18.
RadyoMaN Aimee Guinita
