Davao City – Gipakusgan karon sa lokal nga panggamhanan sa Davao ang pagpahibalo ug pagawhag sa publiko sa pagpabakuna kontra polio human nga nagpositibo ang Davao River sa maong virus.
Matud ni Davao City Mayor Sara Duterte nga gikatakdang magpagula kini’g memorandum sa tanang opisyales sa 182 Barangays sa syudad sa pagtabang sa City Health Office.
Magsugod karong Oktobre 14 ang immunization sa Type 2 polio vaccine sa mga nag-edad og 5 anyos paubos.
Giduso na usab ang ordinansa sa 19th City Council ni Committee on Health chair Councilor Joselle Villafuerte nga himuong mandatory ang immunization aron makab-ot gayod ang target sa Department of Health nga 100% immunization sa mga bata.
Subay niini magpaabot ang alkalde nga mapasar ang Zero Open Defecation Ordinance una kini makahatag og mga solusyon o mamahimong assistance sa ngadto sa mga walay banyo ug septic tanks.
RadyoMaN Aimee Guinita
