Davao City – Muarangkada karong adlawa, Oktubre 14, 2019, ang National Outbreak Response Immunization alang sa mass polio immunization.
Sa interbyu sa RMN Davao kang Department of Health Assistant Secretary for Visayas and Mindanao, Dr. Abdullah Dumama Jr. nga patakan og Oral Polio Vaccines Type 2 ang mga batang nag edad 5 anyos paubos.
Matud ni Dumama nga ang unang rounds sa vaccination ikasa sa Davao City, Davao del Sur ug dungan usab ang Lanao del Sur ug Marawi sugod karong adlawa hangtod sa petsa 27.
Magbalay-balay ang tanang mga health workers ug mga volunteers sa pagbakuna sa mga bata.
Nanawagan si Dumama sa tanang ginikanan nga ipabakuna gayod ang ilahang mga anak kontra polio.
Samtang ikaduhang hugna sa immunizafion pagahimuon sa Nobyembre 25-Disyembre 7 ug ang katapusang vaccination sa Enero 6-18.
Sumala kang Dumama nga P213M ang pondo nga gigahin sa gobyerno alang sa pagahimuong immunization.
RadyoMaN Aimee Guinita
