Davao City – Giklaro karon sa City Health Office (CHO) nga angay nga kumpletohon ang tulo ka rounds kun hugna sa pagpabakuna batok sa sakit nga polio.
Sa interbyu sa DXDC RMN Davao kang Precilla M. Senoc, health education and promotion officer 3 sa CHO-Davao, gibutyag niini nga angay nga nga agi-an sa bata nga 5-anyos paubos ang maong proseso sa pagpabakuna.
“Ang polio vaccination is three (3) rounds. Sa 3 rounds, the same children nga i-vaccinate for the 3 rounds. Same children, the same age group,” saysay ni Senoc.
Gipasabot ni Senoc nga ‘useless’ kun walay kapuslanan kung ka-usa lang mapabakuna ang anak diin ang tumong sa 3-round vaccination mao ang kumpletong proteksyon batok sa maong balatian.
“Gihimo ni siya nga 3 rounds to fully, completely protected sila sa polio,” tataw ni Senoc.
Nasayran nga nagsugod ang unang hugna sa vaccination niadtong October 14 hangtud October 27.
Ipahigayon usab ang second round sa November 25 hangtud December 7. Samtang ang third round himuon sa January 6 hangtud 18, 2020.
RadyoMaN Kirby Manzon
