Nadakpan pinaagi sa joint operation sa Regional Special Operations Group-7, Regional Intelligence Division-7 ug Police Regional Office -7 ang usa ka polis nga nadestino sa Cebu City ug usa ka Municipial Councilor sa lungsod sa Cordova, Cebu human maaktuhi nga nanugal sulod sa managlahi nga Casino.
Si PO2 Cyril Bayate nga nadistino sa Parian Police Station sa Cebu City Police Office, nadakpan samtang nagduwa sa slotmachine sa Crown Regency pasado alas 2:00 kaganihang kadlawn.
Samtang si Municipial Councilor Lemuel Pogoy, naaktuhan usab nga nanugal sa Mactan Island Hotel and Casino alas 11:30 kagabii.
Ang dinakpan nga mga government personnel pasakaan og kalapasan sa Article 231 Memorandum Circular 6 series of 2016 kon balaod nga nagdili sa mga opisyal sa gobyerno ug mga empleyado sa gobyerno pagsugal sa mga gambling casinos.
Ang pagdakop kang PO2 Bayate ug Pogoy magsilbing pahimangno sa mga nagserbisyo sa gobyerno nga likayan ang pagpanugal sa mga casinos ug sa ubang pang pasugalan.
Ang operasyon sa RSOG-7,RID-7 ug PRO-7, gilusad human sa kamanduan ni PNP Chief Ronaldo Bato dela Rosa , pagdakop sa mga police officers ug police officials nga maaktuhan nga nagugal sa bisang asang pasugalan.
