Davao City- Nakita sa usa ka political analyst nga wa nay paglaom pang maduso ang charter change kun cha-cha sa Pilipinas.
Sa interview sa DXDC RMN Davao kay Professor Ramon Beleno III, iyang gibutyag nga wala kini sa saktong timing ilabi na karon ang angay tutokan mao ang panginahanglan sa katawhan sama sa food supply ug saktong presyo sa mga palaliton.
Nagtoo siya nga aduna kini maayong tumong apan karon ang panahon nga iprayoridad usa ang saktong food production ilabi na nga lauman sunod tuig ang El Niño sa nasud.
Usa pa sa gipunto sa political analyst nga sayang ang mga oportunidad nga makabuhat ang Pilipinas og maayong mga balaod ug programa nga maoy makasulbad sa problema kumpara sa pagpugos og duso sa charter change nga di man gyud matuman.
RadyoMaN Ivy Parido
Facebook Comments
