Sa interview sa DXDC RMN Davao kang Prof. Ramon Beleno III, iyang gikwestyun kung paunsa nakadaog ang mayor kung strikto ang COMELEC sa ilang rules and regulations panahon sa eleksyon.
“Yung lapses din ng COMELEC kasi unang-una, dapat natural born Filipino citizen bago ka makatakbo ng any elective position. Anong nangyari dun? Alam naman natin na medyo strict ang COMELEC dapat dyan. Ito ay lapses lang o meron talagang malalim na ugnayan dyan sa kanyang pagtakbo?” butyag ni Beleno.
Samtang, sa pakighinabi usab sa DXDC RMN Davao kang Atty. Gay Enumerables, Spokesperson sa COMELEC XI, wala na kini mihatag pa og komento sa maong isyu apan gipaniguradong strikto ug walay susamang kontrobersiya sa Davao Region.
Dugang ni Beleno nga angay usab subayon ang mga residente sa Bamban sa posibilidad nga adunay tikas nga nahitabo sa botohan ilabi pa nga dili ilado ang mayor ingon man ang iyahang pamilya sa katawhan.
Kahinumduman nga nahimong ‘talk of the town’ karon si Mayor Guo human gigisa sa senado nga walay gikapakitang dokumento sa iyang tibuok pagkatawo kinsa gituohan karong spy sa China nga gipadala dinhi sa Pilipinas.
RadyoMan Ivy Parido
