Davao City – Gitambagan ni kanhi presidential legal counsel Salvador Panelo si kanhi Presidente Rodrigo Duterte nga mudagan isip bise presidente sa iyang anak nga si Sara Duterte sa 2028 national elections.
Apan sa interview sa DXDC RMN Davao kang Prof. Ramon Beleno III, usa ka political analyst, iyang nakita nga dili kini maayong stratehiya tungod kinahanglan una niining kuhaon ang suporta sa national level ug dili sa Duterte supporters lang.
Lisod usab matud pa kini nga tandem tungod ‘allergic’ na ang katawhan sa political dynasty ug pangutana pa sa political analyst kung kaya pa ba kaha sa panlawas ni FPRRD.
Nakitang posibilidad ni Panelo nga mubalik tanang kaalyado sa mga Duterte nga mibaliktad kanila kung mudagan ang mag-amahan sa sunod eleksyon.
Wala matud pa direktang gidawat o gibalibaran ni Duterte ang iyang sugyot apan gisultihan siya sa kanhi pangulo nga abli siya sa bisan unsang posibilidad.
RadyoMaN Ivy Parido
Facebook Comments
