Sa interview sa DXDC RMN Davao kang Professor Ramon Beleno III, iyang gibutyag nga gikan sa mga nagtestimonya ug sa pangpaningkamot sa Senate Committee on Women, Children, Family Relations, and Gender Equality, hugot na ilang desisyon nga iduso gyud ang maong reklamo.
Apan giklaro ni Beleno nga ang maayong buhaton karon mao ang sundon ug respetuhon ang legal nga proseso sa korte o senado pinaagi sa pagpakita sa hearing. Dugang pa nga kung atubangon ug tubagon sa pastor ang maong mga alegasyon, wala siyay angay kabalak-an.
Kini human nga gipagula sa Regional Trial Court (RTC) Davao City ang arrest warrant batok kang Quiboloy ug sa laing lima pa ka kauban niini sa kasong paglapas sa RA 7610 o ang Special Protection of Children Against Abuse, Exploitation, and Discrimination Act.
RadyoMaN Ivy Parido
