Sa interview sa DXDC RMN Davao kang Prof. Ramon Beleno III, iyahang gibutyag nga imposibleng magmalampuson ang milyones nga patong sa ulo ni Quiboloy ilabi pa kung napalibutan kini og mga taong matinud-anon kaniya.
Sumala pa nga sama kini sa kaso ni former Bureau of Corrections (BuCor) chief Gerald Bantag nga nag-atubang og murder diin nagtanyag og P2 million ang Department of Justice (DOJ) apan hangtod karon wala gihapon kini naaresto gikan pa niadtong 2022.
Gahapon, gianunsyo ni DILG Philippines Sec. Benhur Abalos July 8, 2024 nga mutanyag sila og 10 million sa makahatag og impormasyon sa gikahimutangan ni Quiboloy ug laing tagsa ka P1 million sa kaubang akusado nga sila Cresente Canada, Paulene Canada, Ingrid Canada, Jackielyn Roy ug Sylvia Cemañes. Panawagan ni Abalos nga angay mutahan nalang kini sa otoridad ug dili na daganan pa iyang mga kasong child abuse ug qualified trafficking.
Samtang sumala kang kay Philippine National Police (PNP) Chief Gen. Rommel Francisco Marbil nga muatubang sab sa kasong Obstruction of Justice ang si bisan kinsang nagtago sa puganteng si Quiboloy.
RadyoMaN Ivy Parido
