Political analyst, paggukod ug pagdakop sa mga rice smugglers, angay nga mas tutukan pa sa gobyerno

Davao City-Nakita sa usa ka political analyst sa Davao City nga inay ipanglabay o masayang smuggled rice, sakto ra sab nga iapod-apod kini aron mapahimuslan sa katawhan.

Sa interview sa DXDC RMN Davao kang Davao City Political Analyst Prof. Ramon Beleno III, iyang gibutyag nga maayo ang tumong sa pagpanghatag og mga smuggled nga bugas ngadto sa mga pamilyang nagkinahanglan apan dili kalimtan nga dapat madakpan ang mga nagasindikato og bugas tungod makahatag kini og dakong kadaot sa ekonomiya ug sa mga mag-uuma.

Kini nga komento subay sa balita nga gipangunahan si President Ferdinand ‘Bongbong’ Marcos Jr. ang pagpanghatag sa nakumpiskang smuggled rice ngadto sa 3,000 indigent beneficiaries sa Zamboanga City atol sa programa nga gilusad sa National Food Authority compound gahapon, September 19, 2023.

“Maganda no na napapakinabangan ng ating mga kababayan yung mga na confiscate no pero sana ma pursue ng ating gobyerno ang pag prosecute din sa mga smugglers na ito para matigil na once for all itong mga smuggling,” segun ni Beleno.

Dugang ni Beleno nga dili magpakampante ug dili angay makontento ang gobyerno sa pag-distribute lang sa maong mga bugas tungod kung dili maundang ang smuggling, magpadayon ang problema ug kapait sa Pilipinas.

RadyoMan Ivy Parido