Sa pakighinabi sa DXDC RMN Davao kang Davao City Political Analyst Professor Ramon Beleno III, iyang gibutyag nga niagi sa proseso ang pagtugot kang de Lima nga makapyansa ug temporaryong mahimong gawasnon samtang pending pa nabilin nga isa sa tulo ka mga kaso.
Matud niya nga mugawas ra gihapon ang kamatuoran kung ang kaso ba nga gipasaka batok kaniya, tinuod ba o hinimo ra sa niaging administrasyon apan karon, nakita nga aduna pa’y rule of law o nagalihok pa ang hustisya sa Pilipinas human nga gipaminaw ang bahin ni de Lima ug gitugotan siyang makapyansa.
“For now, ang masasabi lang natin is that congratulations to Sen. Leila de Lima kasi 6 years din siyang nawala pero yun na nga sabi natin, hindi pa naman tapos ang kaso, nakapagpyansa palang siya. Hindi pa naman nadi-dismiss ang kaso so aabangan pa natin kung ano ang magiging desisyon ng korte. Kung ito ay acquitted, tignan natin kung meron bang pagkakasala ang former administration. Kasi for now, it’s too early to tell,” segun ni Beleno.
Dugang pa nga dili kita angay ‘mag-jump into conclusion’ hangtod dili pa mahuman ang kaso tungod aduna ma’y korte nga muhukom.
RadyoMaN Ivy Parido
