Political Analyst: ‘Pulong, nasaan ang 51 billion?’ usa lamang sa isyu subay sa umaabot nga eleksyon

Davao City – Gibatikos karon sa social media si Davao City 1st District Representative Paolo “Pulong” Duterte human ang mga kontrobersiyang aduna kini P51 billion nga budget sulod sa tulo ka tuig sa administrasyon pa sa iyang amahan nga si Former President Rodrigo Duterte.

Sa interview sa DXDC RMN Davao sa political analyst nga si Professor Ramon Beleno III, iyang gibutyag nga walay dautan kung tinuod man nga adunay nadawat si Pulong nga P51 billion nga pondo kung miagi kini sa saktong proseso o general appropriations gawas na lang kung adunay problema ang Commission on Audit (COA) kung paunsa gigamit ang kwarta.

Nagtoo usab ang political analyst nga ang mga isyung gipangbato karon ngadto sa mga Duterte adunay kalambigitan sa umaabot nga 2025 midterm elections.

“Starting January hanggang June, diyan na yan maglalabasan ang mga issues kasi yung mga politiko natin nagre-realign na in line sa submission of COC sa October. So yung hindi ma-accommodate sa administration, lilipat na yan sila ng alliances. Ito is one of those issues na makikita nating chini-check kung sino yung mga kakampi at kung sino yung lilipatm,” segun ni Beleno.

Sa pagkakaron, puro alegasyon pa lang kini ug angayang hulaton na lang kung unsa man ang resulta sa pagtuki sa kamara.

RadyoMaN Ivy Parido