Political forum nga gipahigayon sa mga Bishop ug Pastor, nagmalampuson

PC: RadyoMaN Lovelyrose Sambaan

Malampusong gipahigayon sa dul-an 200 ka bishop ug pastor kinsa miyembro sa Society of Active Leaders for Transformation ang Politicial Forum 2019 sa Misamis Oriental Integrated Sports Center o MOISC kagahapong adlawa.

 

Imbitado sa maong kalihokan ang mga miyembro sa partido PaDayon Pilipino ug Centrist Democratic Party aron maoy matubag sa mga pangutana lakip na mga plano alang sa kaayuhan sa Cagayan de Oro.

 

Ang kalihokan dunay temang gikan sa bibliya ug sulat ni King Solomon nga “When the righteous are in authority, the people rejoice: but when the wicked beareth rule, the people mourn.”


 

Matud ni Reverend Bishop Bong Galapo, ang presidenti sa Society Active Leaders fo Transformation nga ila kining gihimo aron madasig pagdasig ang tanan political leaders nga magtarong sa ilang pagserbisyo.

 

Usa sa mihatag sa mensahe mao si Pompee La Viña kinsa maoy kaatbang ni Mayor Oscar Moreno sa umaabot 2019 Midterm elections.

 

Gibutyag niini nga usa sa angay himoon sa mga makalingkod sa posisyon mao ang pagtuman sa mga saad.

 

Mahinumduman nga usa sa plano ni La Viña mao ang pagpatukod sa City University alang sa mga kabus.

Facebook Comments