General Santos City— Boluntaryong mitahan sa iyahang kaugalingon ngadto sa militar ang usa ka miyembro sa New People’s Army kon npa gikan sa Guerilla Front 71.
Giila ni Captain Rudyni Bugador, tigpamaba sa 73rd infantry battalion ang nahisgutan nga si Micheal Dasin Tang, alyas Sniper, 24 anyos nga residente sa Brgy. Kihan, Malapatan, Sarangani Province.
Sumala pa nga gumikan sa nahitabong sunod-sunod nga operasyon sa militar, nagkatag-katag ang miyembro sa rebeldeng grupo ug uban kanila ang nauna ng mitahan sama kang Simeon Miguel alyas Simpak.
Dugang pamahayag ni Captain Bugador nga gikonsiderang commanding officer sa usa ka platoon ang nahisgutan ug kini usab ang gikonsiderang political officer.
Kung asa responsable matud pa kini sa pagpangrecruit sa mga sibilyan ug kasagaran mga lumad sa mga lugar sama sa Malapatan, Alabel, Little Baguio ingon man Malita Davao Del Sur.
Dala sa nahisgutan ang iyahang arams nga usa ka us caliber 30 m2 rifle carbine. samtang ginahikay na ang mga dokumento niini aron nga makadawat sa Comprehensive Local Integrated Program.
