Davao City – Kasama, nakapili na ba ka sa imong kandidato alang karong 2019 Midterm Election? Unsa nga mga kwalipikasyon o ideal nga kandidato nga imong buot ibutang sa usa ka posisyon? Usa ba sa imong basehan mao ang political surveys nga ginapahigayon sa nagkadaiyang kumpanya , unibersidad ug organisasyon?
Ayha pa man nagsugod ang mga kandidato sa pag file sa ilang mga certificate of candidacy (COC), wala ug tuo na ang ginapahigayon nga mga political surveys labot sa mga nag-unang mga kandidato subay sa ilang ginapahigayon nga survey sa publiko.
Nasayran nga inconsistent ang nahimong resulta sa maong mga surveys depende sa quarter. Sama na lamang sa gipagawas sa Social Weather Stations (SWS), Pulse Asia ug uban pa. Nasayran nga subay sa pamahayag gikan sa ‘Social Media 2019 Senatorial Survey’ nga nagbaton sila og kapin 50,000 ka mga respondents, samtang ang Pulse Asia anaa sa 1,800 ug ang SWS anaa sa 1,500.
Nagpasabot lamang nga dili accurate ug posibleng mamahimong biased ang resulta sa nahisgutang mga survey results. Ikaw, Kasama labot sa mga political surveys? Kini masaligan ba?
RadyoMaN Kirby Manzon
