Roxas City, Capiz- May malisya kag lamod-pulitika ang pag-insister ni Capiz Governor Tony del Rosario nga bawion ang gindonar nga lote sang nagligad nga administrasyon ni former Governor Esteban Contreras sa Barangay sang Tiza.
Suno kay Punong Barangay Alfredo Menong Albaladejo, indi madeny kag “public knowledge” nga wala sini ginsuportaran ang kandidatora ni Governor Tony del Rosario sang nakaligad nga 2016 sang ini ang nagpapili sa pagka-gobernador kun sa diin isa si Albaladejo sa mga kapitanes sa Roxas City nga nagpirma sang manifesto nga indi nila suportado ang candidacy ni del Rosario.
Kon mahibaloan nga ginpahayag man ni Albaladejo nga kun mag-insister gid si del Rosaio nga bawion ang kontrobersiyal nga lote nga natindogan sang building sang barangay kapareho sang senior citizens office kag day care center, mapilitan ini sa pagdangop sa mga ahensiya sang gobyerno kaangay sang talatapan sang Ombudsman kag maski na sa talatapan sang Presidente.
Una diri, gin-insister sang provincial government nga may yara sang nabayolar sa deed of donation ang barangay council gani ginabawi nila ang gindonar nga lote samtang nagapanindogan naman si Albaladejo nga ang korte gid lamang amo ang makapahalin sa ila.
image © Google Map
