POLITIKA | Provincial COMELEC, may yara sang panugyan sa mga aspiring candidates nga magfile sang COCs!

50

Roxas City, Capiz- Ginpanugyanan ni Provincial Comelec Supervisor Atty. Wil Arceño ang mga kandidato sa palaabuton nga 2019 midterm election nga hingalitan ang lima ka adlaw nga filing sang Certificate of Candidacy.

Suno diri nga samtang mas temprano mas makapaayo nga makafile sila sang COC agud nga malikawan ang paggutok sa mga talatapan sang Comelec. Ginpahayag sini nga available naman ang mga pormas sa ila opisina.
Suno pa diri nga may yara sang duha ka mga paagi nga makafile sang COC ang isa ka kandidato kag ini ang mahimo nga personal okun paagi sa isa ka representante. Dapat man nga ini ang notaryado.
Bukas man ang ila talatapan halin alas otso sang aga tubtob alas singko sang hapon. Kadungan sini, ginpabutyag ni Arceño nga wala sang lauman nga extension para sa filing.
Nahibaloan nga umpisa sa Oktubre 1 tubtob 5 amu ang gintalana nga petsa sang poll body nga filing sang COC para sa mga may interes nga magpadalagan sa eleksyon sa masunod nga tuig.


Facebook Comments

From Advertisers