Pagadia City – Wala gidaplin sa mga imbestigador sa kapulsian ning syudad ang posibleng angulo nga politika labot sa motibo sa pagpusil patay sa Barangay Kapitan sa Tuburan niining syudad sa Pagadian kaganihang buntag.
Nasayran nga Dead on the Spot ang biktima nga si Raymundo “Dodong” Alviar, kasamtangan nga Punong Barangay sa Tuburan ning dakbayan.
Base sa report sa PNP ug mismong pamilya sa biktima, 6:10 kaganihang buntag dihang nikanaog sa ilang pinuy-anan si kapitan aron pagsuta ug pagtabang sa iyang mga sakop nga naghinlo sa iyang service vehicle.
Kalit matud pa nga nibutho sa lugar ang mga suspetsado riding in tandem ug largong gipusil si Kapitan sa makadaghan nga higayon.
Igo pinusilan sa ulo ug lain-laing parte sa lawas nga hinungdan sa kamatayon ni Alviar.
Narekuber sa crime scene ang 12 ka basyo sa bala sa kalibre 45 nga pistola.
Niumol na og Task Force ang kapulisan sa probinsya aron maoy mututok sa pagsulbad sa ulahing kaso sa pagpamusil sa syudad.
Hangtud karon wala pa matino ang identipekasyon sa mga mamumuno nga riding in tandem.
