General Santos City—Blangko pa karon ang Polomolok Police Station kabahin sa motibo sa pagpamusil sa usa ka tricycle driver nga na ilang si Roger Domabildo, 38, ug lumuloppyu sa Prk. Peoples Village Cannery Site Polomolok, South Cotabato.
Sumala pa ni PSI Romeo Albano Jr. ang labaw sa investigation section sa Polomolok Police Station nga sa kasamtangan padayon pang ginasuta sa ilang imbistigador kung unsa ang posibleng motibo sa pagpamusil sa biktima apan gibutyag niini nga gitanggal na nila ang motibong may kalambigitan sa droga tungod kay wala na lakip sa ilahang watch list ang biktima ug wala usab kini criminal record sa ilahang estasyon.
Aduna matud pay posibilidad nga personal grudge ang motibo niini apan dili usab walaon sa kapulisan ang uban pang posibleng motibo.
Dugang pa ni PSI Albano nga posibleng anad nga mupatay
ug tao ang mga suspect nga mitira sa biktima tungod kay fatal gayud ang igo niini ug wala na nagsayang ug bala alang sa ikaduha nga pag pabuto.
Kung kahinumduman nga nagbyahe lang sa iyahang tricycle ang biktima sa cannery road cor. Block 1 Pocci Village Cannery Site ug mukuha unta ug pasahero, gihunungan kini sa mga suspect nga sakay sa motorsiklo ug gipusil sa makausa nga higayon ang biktima sa ulo nga maoy hinundan sa iyahang hinanaling kamatayon. (Dave Silagan)
