Ta prinsipia ya el contractor del DPWH con el plastada del rubberized track na oval del Joaquian Enriquez Memorial Sports Complex.
Mismo el Committee Chairman on Sports del consejo local Hon. Elbert Atilano amo el a supervisa el llegada y el primer plastada de este para asegura cay el mga trabajador buenamente coneste coloca na sementao fundaccion del oval.
Rogamiento de Atilano cay hoja la, embuenamente el condiccion del tiempo este mga diaz que viene para embuenamente el ponida del mga adhesives para hace pilit con el importao goma.
Asegun con Atilano, hinde fuede pone el rubberized track si porhemplo mujao el fundaccion cay ta man butut este y hay sapa lang. Necesita asegun bien seco el semento antes pone con el adhesives para plasta el rubberized track. – *Bhong Simbajon/RMN News*
