POPCOM-10, adunay awhag sa mga ginikanan ug mga tulunghaan

37

Nanawagan ang Population Commission kon POPCOM region 10 sa mga ginikanan ug tulunghaan nga imatuto ang mga anak ug mga kabataan.

Sa interview sa RMN Malaybalay ngadto kang POPCOM 10 regional director Jeremias Gupit gi-awhag niini ang mga ginikanan ug mga tulunghaan nga maghatag ug tukma ug insaktong edukasyon kalabot sa sexuality education kung unsay mahimong resulta kung ilang paunduyunan ang ilang mga pagbati ug dili nila hunahunaon ang mahimong epekto niini.


Ang panawagan ni Director Gupit subay sa pagsaulog Valentines Day karong adlawa.

Gipasabot niya nga mas maayo nga mapahinumduman ang mga kabataan nga kinahanglan nga pangandaman ang ilang mga kaugmaon.

Nasayran nga ikaduha ang rehiyon 10 sa adunay pinakataas nga teenage pregnancy sa tibook Pilipinas.

Facebook Comments

From Advertisers