Davao City –Dili angay kabalak-an ang padayong pagtaas sa ihap sa populasyon karon sa Pilipinas.
Sumala ni Davao City Vice Mayor Bernard Al-ag nga bisan pa man nga nipalo na ngadto sa 106.4M ang populasyon sa nasud kaya gihapon kini nga suportaan sa gobyerno.
“Because of the policy karon sa atoang Duterte Administration, sa atoang tax reform, sa atoang economic policy sa gobyerno ug sa atoang mga social services kaya pa man nato nga masuportaan kining growth sa atong populasyon. The Philippines right now kita ang pinakapaspas nga ekonomiya sa Asia karon, naa tay annual economic growth nga 6.8%,” sumala ni Al-ag.
Gipasabot ni Al-ag nga wala kitay mandatong susama sa nasud China nga ‘One Child Policy’ diin pweding limitahan ang gidaghanon sa ilang mga anak kun gidak-on sa ilang pamilya.
“Demokrasya man gud ta ang mahimo sa gobyerno is pag-awhag sa mga katawhan nga i-limit ang ilang pagpanganak but in terms nga i-mandate nga pugson gyod dili na siya align sa atong constitution kay murag matamakan na nato ang katungod sa atong katawhan ana,” sumala ni Al-ag.
Matud sa bise-alkalde nga gihingusgan sa lokal nga panggamhanan ang population control program ug gidasig ang mga lungsuranon nga suportaan kini.
Ang dakbayan adunay programang libreng ligation, vasectomy, natural method ug uban pa nga mga artificial methods alang ngadto sa buot mu-avail niini.
RadyoMaN Aimee Guinita
