Por causa na disiplina, Nana ya puede mata con su mismo 9 años anak mujer

Muerto el un nueve anyos de edad bata mujer na Lantawan, provincia del Basilan despues alegaomente ya mal-trata con este su mismo nana.

Na report del police del Lantawan Municipal Police Station, ta aparece que del pecha uno pa de este mes de Noviembre ya prinsipia asegun embolbe na manta el suspechao nana con su anak y ya pone con este adentro na cuarto, hende ta manda kome y toma agua por cuantos dias hasta del ayer cuando ya anda ya el maga police del Lantawan para man rescue con el victima despues tambien recivi el report desde con el maga bisinos sobre el mal-tratamiento del nana con su anak.

Ya responde el Lantawan Municipal Police station na encabesamiento del hefe si PC/Insp Joseph Gordovez na mencionao reclamo y ya anda na mismo residencia del victima, y ya alcansa con este embolbido pa na manta y bien maluya ya. Ensiguidas ya lleva con este na ospital, pero nohay suerte ya declara con este dead on arrival na Basilan General Hospital.


Depensa del nana del victima parte lang del disiplina el cosa le ya hace con el su anak.

Maga police ta precura ahora determina si apwera que ya embolbe con este na manta por cuantos dias, si ya anda pa con este pega despues que visible asegun el maga contusion na mismo cuerpo del nueve anyos victima.

El tata del victima con quien ya puede man cuento el maga police, no quiere mas asegun planta caso contra con su esposa.

Richard Falcatan/Mirasol Monteza

Facebook Comments