Muerto el un 24 años soltero identificao como si Faizal Dollosa y Asjali,un pedicab driver, despues este alegaomente comete suicidio anoche na Pasay, brgy San Roque por medio de culgar su pescueso usando el nylon que ta usa na pescada.
Asegun con el tiyo del victima que buracho el su subrino del domingo de noche, y ya descubri ya lang sila con el cadaver de este adentro na de ila escusao bitay y culgao ya el pescueso alas siete del aga endenates.
Antes asegun ya comete suicidio si Faizal, dolorido ya este despues que ya deha conele el su nobia.
Mientrastanto, el maga pulis ta continua imbestiga con este incidente paraber puede dtermina si nohay foul play el ya occuri.
Facebook Comments
