Porcausa na gallo

Porcausa solamente na un gallo de peleya, un Chino ya queda victima de lanciada Biernes denoche na Tomas Claudio Street.
Con el victima ya conose como si Carlos Kho Ang, 64 anios de edad del mencionao lugar.
Mientras con el suspechao ya conose como si Edwin Napalcruz, 35 anios de edad de San Jose Road.
Asegun na report del pulis pasada alas 8 del noche si Napalcruz junto consu esposa ya and ana boarding di Ang para saca con el gallo di untal Wilson quien amigo diuyu y ta esta na boarding di Ang.
Pero aquel tiempo nohay si Wilson na casa siporque si Ang el yan atubang con Napalcruz.
Ya tene estos purpiajan hasta ya aranca si Napalcruz un tejeras y ya lancia con Ang.
Pero antede guinda con Ang el tejeras ya puede pa sangga con este el esposa di Napalcruz y hasta ele ya iri pa na mano.
Si Ang ya sostene irida de lanciada nap echo y ya lleva con este na hospital mientras con Napalcruz ya aresta el maga pulis durante el follow-up operation.