Porters, mga pasahero, ug drivers sa DCOTT, nahimong benepisyaryo sa RMN Foundation

Davao City – Gatusan ka mga indibidwal ang malipayong midawat sa mga serbisyong hatod sa Ma. Corrina Canoy Feeding Program isip kabahin sa selebrasyon sa ika-onse ka tuig sa Radio Mindanao Network (RMN) Foundation.

Malampuson kining gipahigayon sa Davao City Overland Transport Terminal (DCOTT) karong adlawa, September 27, 2023 ug nakita ang tam-is nga mga pahiyom ug pagpasalamat sa mga benepisyaryong porters, drivers, street sweepers, vendors, ug mga pasaherong naka-avail sa libreng masahe, gupit, ug ilabi na sa makabusog nga food packs.

Sumala ni RadyoMan Misel Miral-Galve, tumong niini mao ang mapaabot sa katawhan sa DCOTT ang serbisyo tungod angayan usab nga mudawat sa grasyang hatud sa RMN Foundation ang mga nasangpit nga benepisyaryo.

“Daghan pud baya nanginahanglan dinhi. Sila na pud atong palipayon kay murag sila man ang nagapanerbisyo gyud. So this time tungod sa ilang pagpanerbisyo, kita na pud ang muserbisyo sa ilaha,” segun ni Galve.

RadyoMan Ivy Parido