Zamboanga del Sur – Gikalipay sa lokal nga kagamhanan sa syudad sa Pagadian sa sitwasyon sa dakbayan diin mikunhod sa tres porsyento ang positivity rate sa Covid-19. Sa interview kang Mayor Samuel Co misugid kini nga gikan sa 11 porsyento nga positivity rate anaa nalang karon sa 3 porsyento.
Nasayran nga niadtong bulan sa November ang Visayas IATF COVID-19 chief implementer nga si Mel Feliciano nidangat sa Pagadian City aron pagtabang sa nagsaka nga numero sa kaso sa Covid 19 cases syudad. Sumala ni Co nagpadayon sa ilang surveillance swabbing ang syudad.
Aminado ang Mayor nga dako og factor sa positive cases ang merkado publiko. Mahinumduman nga ang OCTA research team nipagawas sa ilang pagtuon nga ang Pagadian City naila nga high-risk area, nga dunay hospital occupancy rate nga 74% gikan sa November 22 hangtud 28. Hinoon sumala ni Co padayon ang pag-us-os niinin sa 34%. Ang syudad nagpabilin gihapon sa modified general community quarantine.
