Davao City – Kampante si Ubalde Elementary School Principal Alejando Sa-ang nga taas ang turnout sa mga botante karon nga piniliay itandi sa nangligad nga bugnong lugaynon.
Base sa obserbasyon ni Sa-ang nga mas daghan ang mipartisipar sa Barangay ug SK Election karong tuiga ikumpara sa miaging mga katuigan.
Mas aktibo karon ang mga electorate sa eleksyon tungod sa dakong tabang sa social media nga nagpalapnag sa kahibalo sa mga botante busa misutoy ang voters turnout karong tuiga.
Suma ni Sa-ang, sagad sa mitumaw nga problema sa bugnong lugaynon mao ang mawala nga pangalan sa botante nga hangtud karon wala pa gyod matubag sama sa nasinatian sa Ubalde Elementary School polling precincts.
Ug karon natapos na ang Barangay ug Sangguniang Kabataan Election malaumon si Sa-ang nga masulbad na sa dili madugay ang suliran sa baha sa ilang barangay nga dugay nang gilumutan sa miaging katuigan.
RadyoMaN Joel Viray
