Davao City – Gibutyag ni Dr. Ashley Lopez, Focal Person sa Davao COVID-19 (Coronavirus Disease 2019) Response, nga padayon gihapong nasinatian sa syudad sa Davao ang ‘surge’ sa COVID-19 cases o ang post-holiday surge.
Matud ni Lopez, sa interbyu sa city-owned radio, nagsugod ang ‘surge’ niadtong Enero 4, 2021 hangtud sa panahon ning pagsibya, diin taas gihapon ang matala nga kaso matag adlaw nga anaa sa 90 hangtud sa kapin 110 active cases, samtang niadtong Enero 7 halos 150 ang natala nga kaso.
“Naka-conclude mi nga based on the epidemic term that was reported, nagsugod ‘ta sa atong post-holiday surge since January 4 up to the present. Hangtud karon naga suffer gihapon ‘ta og surge,” segun ni Lopez.
Gibutyag sa health official nga gamay lang ang kritikal nga kaso diin mas daghan ang reported nga asymptomatic ug mild cases.
Sa pagkakaron, mi-ubos na usab sa death rate samtang adunay pagsaka sa ihap sa nakarekober.
RadyoMaN Kirby Manzon
